साउन १ गतेबाट बक्स अफिस कार्यान्वयनमा आउने, वैशाख १ बाट परिक्षण

0

काठमाडौं, १३ माघ : नेपाली फिल्म गद्योगमा लामो समयदेखी चर्चामा रहँदै वक्सअफिस अन्तत: लागु हुने भएको छ। लामो विवाद र छलफल पश्चात श्रावण १ गतेबाट नेपाली चलचित्र भवनहरुमा बक्स अफिस लागू हुने भएको हो।

बिहीवार चलचित्र विकास बोर्डका सदस्य तथा बक्स अफिस कार्यान्वयन समितीका संयोजक नरेन्द्र महर्जनको अध्यक्षतामा बसेको बैठकले प्राविधिकहरुसँगको छलफल पश्चात वर्ष २०७५ को तेस्रो महिनाबाट नेपालमा बक्स अफिस लागू गर्ने निर्णय गरेको हो ।

वैशाख १ गतेबाट परिक्षण गर्ने र साउन १ गतेबाट राजधानी भित्र र माघ १ गतेबाट राजधानी बाहिर बक्स अफिस लागू गरिने बोर्ड सदस्य महर्जनले जानकारी दिए । बैठकले बक्स अफिस जडान गर्ने कम्पनी ‘व्रेन डिजिट इट सोलुसन’ लाई आवश्यक पर्ने हार्डवेयरका सामान तथा इन्टरनेट सेवा वर्ष २०७४ चैत मसान्त भित्र जडान गर्न निर्देशन पनि दिएको छ।

बक्स अफिस कार्यान्वयन समितीको सदस्यहरुमा प्रदीप कुमार उदय, आकाश अधिकारी, कपिल पराजुली र प्रभाकर भट्टराई रहेका छन् ।

Share.

Comments are closed.

error: Content is protected !!