ललितपुरमा गोली हानेर हत्या गर्नेलाई गृहमन्त्रीको संरक्षण

0

काठमाडौं, चैत १८: बाग्मती गाउँपालिका वडा नम्बर ५ ईकुडोल माझखण्डको पोखरीडाँडामा गंगालाल तामाङको घरमा गोली लागेर सुजाता तामाङको ज्यान गएको विषय मिलापत्रमा थामथुम गर्न चलखेल बढेको छ । गोली चल्दा गंगालालकी भाउजु ३१ बर्षकी सुजाताको अस्पताल ल्याउँदै गर्दा बाटैमा मृत्यू भएको परिवार स्रोतले बतायो ।

गोली हान्ने कोञ्ज्योसोम गाउँपालिका २ संखुका १८ बर्षका श्रीजन घिसिङ रहेको खुलेको छ । मृतकको श्रीमानको फपुको छोरा जिस्केर ताक्दा हिंजो साँझ ६ बजे गोली लागेको स्थानियले बताएका छन ।

घटना थामथुम पार्न हिंजै चट्याङ परेर घाईते भएको भनिएको थियो । अहिले महानगरीय प्रहरी बृत्त चापागाउँको टोली घटनास्थल पुगेको बताइएको छ ।घटनास्थलबाट भरुवा बन्दुक एक थान बरामद गरेको छ भने अभियुक्तलाई नियन्त्रणमा लिएको चापागाउँ वृत्तका प्रमुख डिएसपी रविन्द्र रेग्मीले बताउनुभयो ।दोषीलाई कार्वाही नहुँदासम्म शव नबुझ्ने पिडित पक्षले बताएका छन । शवलाई हिजै बेलुका पाटन अस्पतालमा पुर्याईएको छ । गंगालाल सरसफाई मन्त्री विना मगरकी स्वकिय सचिव हुन । घटना थामथुम पारेर मिलापत्र गर्न गृहमन्त्रीले निर्देशन दिएको स्रोतले बताएको छ ।
-नेपाल समाचारपत्र

Share.

Comments are closed.

error: Content is protected !!