नेपाल सेमिफाइनलबाटै बाहिरियो, माल्दिभ्ससँग ३–० ले पराजित

0

काठमाडौं, भदौ २७ । नेपाल फेरि पनि साफ च्याम्पियनसिप फुटबलको सेमिफाइनलबाटै बाहिरिएको छ । बंगलादेशमा जारी च्याम्पियनपसिपको पहिलो सेमिफाइनलमा नेपाल बुधबार सदाबहार प्रतिद्वन्द्वी माल्दिभ्ससँग ३–० ले पराजित भएको हो ।खेलको नवौं मिनेटमा पहिलो गोल खाएको नेपालले ८४औंमा दोस्रो तथा ८६औं मिनेटमा तेस्रो गोल खाएको हो ।

भरत खवासको कप्तानीमा मैदानमा उत्रिएकोे नेपालले गोल गर्ने केही अवसर खेरफालेको थियो ।खराब मौसमका कारण मध्यान्तरअघि खेल झन्डै आधा घन्टा रोकिएको थियो ।माल्दिभ्स समूह चरणमा एक गोल पनि नगरी समूह उपविजेताकारुपमा तथा समूह चरणमा बंगलादेश र भुटानमाथि शानदार जित हासिल गर्दै समूह विजेताका साथ नेपाल सेमिफाइनलमा पुगेको थियो ।

नेपालले साफ च्याम्पियनसिपमा माल्दिभ्ससँग खेलेका सात खेलमध्ये पाँचमा हार बेहोरेको छ । दुई खेल बराबरीमा सकिएका थिए । पहिलोपटक फाइनल पुगेर इतिहास रच्ने लक्ष्यका साथ माल्दिभ्सविरुद्ध उत्रिएको नेपाल सन् १९९५, १९९९, २०११ र २०१३ माजस्तै योपटक पनि सेमिफाइनलबाटै बाहिरिएको हो ।

Share.

Comments are closed.

error: Content is protected !!