अमेरिकामा १२ वर्षीय नेपाली बालकलाई साढे चार लाख डरलको छात्रवृत्ति

0

न्यूयोर्कको रिजउडस्थित ‘आइ एस ९३ रिजवुड इन्टरमिडिएट’ स्कुलमा अध्ययन गर्दैै आएका १२ वर्षीय जेम्स कर्माचार्यले ४ लाख ५० हजार अमेरिकी डलरको ‘टेक फेलोसिप’ प्राप्त गरेका छन् ।

उनलाई कक्षा ६ देखि स्नातक तहसम्म पढ्नका लागि आवश्यक पर्ने खर्च छात्रबृतिमार्फत प्राप्त हुनेछ । हालसम्म सरकारी स्कुलमा पढिरहेका जेम्स अब आफैँले रोजेर अमेरिकाको सबैभन्दा राम्रो निजी स्कुलमा पढ्न पाउने छन् ।

उनी कक्षा ४ सम्म नेपालमै अध्ययन गरेर ३ वर्षअघि मात्र अमेरिका आएका हुन् । उक्त छात्रवृत्ति प्रदान गर्ने संस्थाले जेम्सको पढाई सँगसँगै गरिने सम्पूर्ण अतिरिक्त क्रियाकलापका लागि वार्षिक रूपमा ५७ हजार अमेरिकी डलर खर्चने छ ।

यति ठुलो अवसर भने जेम्सले यत्तिकै पाएका होइनन् । जेम्स सानैदेखि पढ्नमा तीक्ष्ण, अत्यन्तै मेहनती र क्षमतावान थिए । कक्षामा जुनसुकै विषयमा पनि उनी शत प्रतिशत नम्बर ल्याऊ“थिए ।

यो छात्रवृत्तिमा छानिनका लागि आवश्यक क्राइटेरिया (पद्धति) पुगेको देखेपछि स्कुलका शिक्षकहरूले नै नाम सिफारिस गरेको उनका बाबु राजन कमार्चायले बताए । ‘हामीलाई त यस्तो फेलोसिप छ भन्ने पनि थाहा थिएन । शिक्षकहरूले तिम्रो छोराको नाम ‘टेक फेलोसिप’मा सिफारिस गरेको छौँ भनेपछि मात्रै थाहा पायौँ,’ उनले भने, ‘त्यसपछि ६ महिना लामो प्रक्रिया लगाएर पटक÷पटकको परीक्षा र अन्तरवार्ता पछि छोराको नाम छानिएको हो ।’

जेम्स कक्षाको राम्रो विद्यार्थी हुन् । जुनसुकै विषयको टेस्टमा सय मा सय नै नम्बर ल्याऊ“थिए । वर्षभरिमा एक दिन पनि स्कुलमा गयल ह“ुदैनथे । यस्ता सबैखाले पद्धति पुगेपछि स्कुलले उनलाई यस छात्रबृति कार्यक्रममा सहभागी गराएको हो ।

आफूलाई स्कुलले यस कार्यक्रममा सहभागी गराएको छ भन्ने थाहा पाएपछि जेम्सले घरमा पनि निकै मेहनत गरेका थिए । दिनरात नभनी पढ्थे । जेम्सका बाबु राजनका अनुसार स्कुलले छोराको मात्र होइन मेरो पनि १ घण्टा लामो अन्तरवार्ता लिएको थियो । परिवारको अवस्था कस्तो छ ?, वार्षिक कमाइ कति छ ? के काम गर्छ भन्ने लगायत सम्पूर्ण कुराहरू अन्तरवार्तामा सोधिएको थियो । यस्तो छात्रवृत्ति पाउने उनी पहिलो नेपाली विद्यार्थी हुन् ।

राजनले छोरा जेम्सलाई ३ वर्ष अघि मात्र अमेरिका ल्याएका थिए । कुलेश्वर घर भएका राजनले छोरालाई कक्षा ४ सम्म ललितपुरको शुभतारा बोडिङ स्कुलमा पढाएका थिए । नेपालमा छ“दा पनि जेम्स सधैँ कक्षामा प्रथम हुन्थे ।

‘छोराको खुसी मा आफैले संसार जिते जस्तो महसुस भएको छ’ उनले भने, ‘परिवार र आफन्तको फोन कलहरू आएको आयै छ । खुसीले परिवारको माहौल छुट्टै भएको बताऊ“दै उनले भने, ‘आजै मात्र जेम्सलाई घरमा सगुन खुवायौँ ।’

अमेरिकामा अधिकांश नेपालीले आफ्ना बालबालिकालाई सरकारी स्कुल पढाउने गर्छन् । निजी स्कुल मंहगो हुने भएकाले जो सुकैले पढाउन सक्ने अवस्था पनि हु“दैन । ‘मैले पनि जेम्सलाई सरकारी स्कुल नै पढाएको थिए“ । तर, उसको क्षमताले पाएको यो उपलब्धिले अब निजी स्कुल पढ्न पाउने मात्र होइन उसको भविष्य निर्धारणको जिम्मा नै छात्रवृत्ति प्रदान गर्ने संस्थाले लिएको छ । हाम्रो लागि यो भन्दा खुसीको कुरा अरू के हुन सक्छ ?’ उनले भने ।

न्यूयोर्क सहरका विद्यालयहरूमा कक्षा ६ मा अध्ययन गरिरहेका विद्यार्थीहरूलाई प्रदान गर्ने ‘टेक फेलोसिप’ निकै महत्त्वपूर्ण छात्रवृत्ति हो । अत्यन्तै ट्यालेन्ट विद्यार्थीहरूको भविष्य निर्धारणमा यसको ठुलो महत्त्व छ ।

उक्त छात्रवृत्ति प्रदान गर्ने संस्थाले न्यु योर्क सहरका विद्यालयहरूलाई ट्यालेन्ट विद्यार्थीहरूको नाम नोमिनेसनका लागि अह्वान गर्छ । विद्यालयहरूले ३०० जनाको नाम नोमिनेसन गर्छन् त्यसमध्ये ३० जना विद्यार्थी वर्षेिी छनौट हुने गर्छन् । कक्षा ६ देखि स्नातक तहसम्म पढाउन लाग्ने सम्पूर्ण खर्च छात्रवृत्तिले व्यहोर्ने छ ।

Share.

Comments are closed.

error: Content is protected !!